БИШКЕК, 6-окт. — Sputnik. "Бүтүн Кыргызстан Эмгек" партиясынын түштүк аймакта аларга берилген 37 миң добуш табылды деген билдирүүсү суу кечпей турганын Боршайкомдун төрагасы Туйгунаалы Абдраимов маалымат жыйында билдирди.
Абдраимовдун айтымында, партиянын теңтөрагасы Аскар Салымбеков ага добуштарды кайта санап чыгуу өтүнүчү менен кайрылган. Ал, эгер партиядан арыз келип түшө турган болсо, БШК добуштарды санап чыгууга даяр экенин билдирди.
"Аталган шайлоо участогундагы автоматташтырылган урнадан алынган маалыматтар менен колго саналган бюллетендердин саны дал келет. Бирок биз бардык бюллетендерди партия өкүлдөрүнүн катышуусу менен да санап чыгууга даярбыз", — деди ал.
Абдраимов ошондой эле, Мадумаров менен Салымбековдун добуштарды саноодо мыйзам бузулду деген билдирүүсү туура эмес экенин кошумчалады.
Эгер талап кылына турган болсо, өлкө боюнча бардык бюллетендерди санап чыгууга Борбордук шайлоо комиссиясынын даяр экенин ал белгилейт.
