БИШКЕК, 6-окт. — Sputnik. "Бүтүн Кыргызстан Эмгек" саясий партиясы айрым шайлоо участкаларында добуштарды кайра саноону талап кыларын Sputnik агенттигине уюмдун теңтөрагасы Адахан Мадумаров билдирди.
Буга чейин аталган партиянын Ош менен Жалал-Абад облустарындагы айрым шайлоо участкаларында 37 миң добуш айырманы аныктап чыкканы айтылган. Шайлоонун алдын ала жыйынтыгы боюнча "Бүтүн Кыргызстан Эмгек" саясий партиясы жети пайыздык босогодон өтө алган эмес (6,15 пайыз).
Мадумаровдун айтымында, партиянын БШКдан добуштардын кайра санап чыгуусун талап кылууга мыйзамдуу укугу бар.
Алдын ала айтылган жыйынтык боюнча, алтынчы чакырылыштагы парламентке алты партия кирет.
