БИШКЕК, 4-окт. — Sputnik. Талас облусу боюнча саат 14:00гө алынган маалыматтарда шайлоочулардын 34, 3 пайызы добуш берди. Бул туурасында Sputnik маалымат агенттигине өкмөттүн Талас облусу боюнча өкүлчүлүгүнүн маалымат кызматынын жетекчиси Мухамеджан Суранчиев билдирет.
Анын айтымында, облустагы шайлоочулардын саны 122 983 жаран жана алар 116 шайлоо участогунда өз добуштарын бере алат.
"Саат 14:00гө алынган маалыматтар боюнча, Талас облусунда 42 139 шайлоочу добуш берди. Бул элдин 34, 3 пайызын түзөт", — деди Суранчиев.
Маалымат кызматынын жетекчиси учурда Талас облусунун аймагында Казакстан сыяктуу КМШ өлкөлөрүнөн жана ЕККУдан келген эл аралык байкоочулар жүргөндүгүн кошумчалады.
Анын айтымында, добуш берүү тынч өтүп жатат, Талас облусунун аймагындагы шайлоо участокторунда техникалар иштебей калды деген маалыматтар түшкөн жок.
Парламенттик шайлоодогу добуш берүүнүн жүрүшү тууралуу Sputnik инфографикасынан көрө аласыздар>>
