БИШКЕК, 2-окт. — Sputnik. Парламенттик шайлоону өткөрүүгө даярдык учурунда 60 мыйзам бузуу катталып, алардын алтысына кылмыш иши козголгонун ИИМ билдирди.
Сентябрдын ортосунда ага эркек адам чалып, жолугууну сунуштап, 15 миң сом берип, паспорттордун көчүрмөсү менен 180 адамдын атын тизмеге киргиздирүүгө аракет кылган. Мында 50 жаран башка шайлоо комиссиясында катталганы аныкталган.
Бул боюнча козголгон кылмыш иштин негизинде иликтөө жүргүзүлүп, аталган завучтун үйү текшерүүгө алынган. Ал жактан белгисиз жарандардын аты-жөнү, дареги, телефон номерлери жазылган тизме, паспорт көчүрмөлөрү, бош бланктар табылган. Ал эми партиянын штабынан завучтун "тууганына" тиешелүү кол жазмалар, паспорт көчүрмөлөрү жана башка документтер алынган.
Учурда иликтөө иштери жүрүп, чогулган материалдар чечим кабыл алуу үчүн БШКга жөнөтүлдү.
Дагы бир кылмыш иши эки партиянын үгүт баннерлери белгисиздер тарабынан алып салынышы боюнча козголгон. Тергөө жүрүп жатат.
Мындан тышкары, Кочкор РИИБси "Республика — Ата-Журт" партиясынын эки талапкеринин бычакташуусу боюнча кылмыш ишин козгогон.
26-сентябрда Абдыбахаповдун арызынын негизинде "Республика — Ата-Журт" партиясынын теңтөрагасы Камчыбек Ташиевге карата бейбашчылык беренеси боюнча кылмыш иши козголду.
Аксы районунун Кербен шаарында баннерлерди сыйрып алып кеткен адамдар учурда кармалып, тергелип жатат.
Буга чейин ИИМ ар бир мыйзам бузууга карата кескин чара көрүлөрү жөнүндө шайлоого аттанган саясий партияларга эскерткен. Андан сырткары, министрлик жалпы республика боюнча мыйзам бузуулардын алдын алуучу иш-чаралардын комплекстүү аракеттерин иштеп чыккан.
