БИШКЕК, 30-сен. — Sputnik. Эгерде саясий партия үгүт иштерин мыйзам бузуу менен жасаса, аны БШК добуш берүүнүн жыйынтыгы чыкканга чейин шайлоодон четтетип коюуга акысы бар. Бул туурасында БШКнын төрагасы Туйгунаалы Абдраимов маалымат жыйында билдирди.
Абдраимовдун айтымында, үгүт иштерин бир нече партия олуттуу бузгандыгы аныкталган.
"Бүгүн дагы бир жыйынга чогулабыз. Эреже бузгандарга эскертүү берилет. Биз негизи байкоо салып турабыз. Эгерде олуттуу бир мыйзам бузуулар байкалса, добуш берүүдөн кийин деле партияларды чыгарып салабыз. БШКнын буга акысы бар",— деди Абдраимов.
Парламенттик шайлоо Кыргызстанда ушул жекшембиде өтөт. Жогорку Кеңештин депутаттыгына 14 саясий партия ат салышып жатат.
