ФИФАнын рейтингинде Кыргызстандын курама командасы 9 орунга алдыга жылды

© Sputnik / Табылды КадырбековФИФАнын интернет баракчасында Кыргызстандын рейтинги.
ФИФАнын интернет баракчасында Кыргызстандын рейтинги. - Sputnik Кыргызстан
Жазылуу
Жаңы рейтингде Кыргызстан дүйнөлүк чемпионаттын квалификациялык оюндарындагы атаандашы Тажикстан менен Бангладешти артта калтырды.

БИШКЕК, 1-окт. — Sputnik. Кыргызстандын курама командасы Эл аралык футбол федерациясынын (FIFA) сентябрь айындагы рейтингинде тогуз орунга алдыга жылды.

Жаңы рейтинг боюнча Кыргызстандын курама командасы 146-орунду ээледи. Сентябрь айында улуттук курама команда 2018-жылы болчу дүйнөлүк чемпионаттын тандоо турунун алкагында Иордания менен гана беттешип, оюн 0:0 эсебинде аяктаган.

Кыргыз футболчуларын катуу сүрөгөн күйөрман Кыргызстан — Бангладеш оюнуна билет алат
Ал эми дүйнөлүк чемпионаттын тандоо оюндарында Кыргызстандын атаандашы болгон Тажикстан эки орун артка кетип, 160-орунду ээлесе, Бангладештин командасы 182-орунду камсыз кылган.

Аталган мамлекеттердин курама командалары менен кыргызстандык футболчулар Бишкекте 8-октябрда жана 13-октябрда беттешет.

Андан сырткары, рейтингдин алдыңкы үчтүгүндө да өзгөрүүлөр болду. Бельгия алдына Германиянын командасын чыгарып, үчүнчү орунга түштү. Рейтингдин көч башын Аргентинанын курама командасы ээледи. Рейтингдин акыркы тизмесинде Багаманын курама командасы турат.

Жаңылыктар түрмөгү
0