Статкомитет: 2030-жылга Кыргызстандагы карылардын саны эки эсе көбөйөт

© Sputnik / Табылды КадырбековКары адамдар автобус күтүп жатышат. Архив
Кары адамдар автобус күтүп жатышат. Архив - Sputnik Кыргызстан
Жазылуу
Бүгүнкү күндө 60 жаштагы аялдар орточо эсеп менен дагы 20 жылдай жашаганга мүмкүнчүлүгү болсо, эркектердин айрымдары гана дагы 15 жыл өмүр сүрөт.

БИШКЕК, 1-окт. — Sputnik. Кыргызстанда эмгекке жөндөмдүү курактан өткөн адамдардын саны 2015-жылдын башында 408 миң болгонун Улуттук статистикалык комитет билдирди.

Маалыматка ылайык, бул калктын жалпы санынын 6,9 пайызын түзөт. Ал эми алардын 4,3 пайызын эркектер, 160 миңге көп болгон аялдардын саны 9,5 пайызга жетет. 

Улгайган аял. Архив - Sputnik Кыргызстан
Карылар үйүнүн кызматкери: келмени деле ойлобой, кызын күткөн боюнча көз жумду
Карылардын басымдуу бөлүгүн аялдар түзөт, анткени алар эркектерге караганда узак жашайт. Бүгүнкү күндө 60 жаштагы аялдар орточо эсеп менен дагы 20 жылдай жашаганга мүмкүнчүлүгү болсо, эркектердин кээси гана дагы 15 жыл өмүр сүрөт. Мындай айырма эркектердин аялдарга салыштырмалуу 1,5 – 1,6 эсеге көп көз жумары жана 63 жашында пенсияга чыгып, 58 жашында эс алууга чыккан аялдарга караганда беш жылга көбүрөөк иштегени менен байланыштуу.

БУУнун маалыматына ылайык, өлкөдө 65 жаштан өткөн адамдар жалпы калк санынын жети пайызын түзгөн учурда улгайган мамлекет болуп саналат. Бирок каруу процесси бүтүндөй дүйнөнү кучагына алып жаткан учурда, Кыргызстан бул чекке карыларынын саны эки эсеге көбөйгөн 2030-жылы жетет.

Жаңылыктар түрмөгү
0