БИШКЕК, 30-сен. — Sputnik. Жогорку Кеңештин депутаттарына берилген артыкчылыктардын жоюлушун колдоп шайлоого аттанган 14 партиянын 9у гана кол койгон. Бул тууралуу "Жеңилдиктерди жокко чыгаруу" коомдук кыймылы билдирди.
Жыл башында түзүлгөн коомдук бирикме депутаттарга берилген транспорт, турак-жай, медициналык жайларда атайын кызмат көрсөтүү сыяктуу артыкчылыктардан баш тартуу жөнүндө декларацияга кол коюуну шайлоого аттанган бардык 14 партияга сунуштаган.
Активисттер билдиргендей, болгону тогуз гана партия документке кол коюуга макул болгон. Алар: "Кыргызстан", "Республика — "Ата-Журт", "Бир Бол", "Аалам", "Ата Мекен", "Замандаш", "Кыргызстан элдиренин конгресси", "Улуу Кыргызстан" жана "Бүтүн Кыргызстан Эмгек". Калган партиялар КСДП, "Азаттык", "Ар-Намыс", "Өнүгүү-Прогресс" жана "Мекен Ынтымагы" түрдүү себептер жана шылтоолор менен декларацияга кол койгон эмес.
4-октябрга белгиленген парламенттик шайлоодо 14 саясий партия ат салышат.
