БИШКЕК, 29-сен. — Sputnik. КМШ мамлекеттеринин байкоочулар миссиясы Кыргызстанга алдыда боло турган парламенттик шайлоого көз салуу үчүн келгенин Борбордук шайлоо комиссиясы билдирди.
Алтынчы чакырылыштагы Жогорку Кеңеш шайлоосу келе жаткан жекшемби күнү болот. Парламенттик орун үчүн 14 партия ат салышат. Буга чейин БШК каттоосунан 300дөн ашуун чет элдик байкоочу өткөн.
Кыргызстанда биринчи жолу шайлоо биометрикалык маалыматтын негизинде жүрөт. Биометриядан өткөн 2,7 миллион шайлоочу добуш берүү укугуна ээ.
