БИШКЕК, 24-сен. — Sputnik. Кыргызстандык спортчулар Чечен Мамлекеттик кеңешинин биринчи төрагасы Хусеин Исаевдин элесине арналган дзюдо боюнча эл аралык турнирге жөнөп кетишкенин КР дзюдо федерациясы билдирди.
Маалыматка ылайык, спортчулардын бардык чыгымын россиялык тарап көтөрөт.
Кыргызстандык делегациянын курамына Юрий Краковецкий, Чыңгыз Мамедеов, Азат Кубакаев жана башкы машыктыруучу Сергей Мистрюков кирген.
Аталган мелдеш 1-3-октябрь күндөрү Ташкент шаарында өтө турган Гран-При жана 17-18-октябрда Парижде өтө турган Гранд-Слам турнирлерине даярдык болот.
