БИШКЕК, 24-сен. — Sputnik. Европа кеңешинин парламенттик ассамблеясы жана Европа парламентинин өкүлдөрү республикада өтүүчү парламенттик шайлоого байкоо жүргүзө турганын Кыргызстандын Бельгиядагы элчилиги билдирди.
4-октябрга белгиленген парламенттик шайлоодо 14 саясий партия ат салышат. Учурда үгүт өнөктүгү кызуу жүрүп жатат.
Европалык парламенттен Германия, Испания, Латвия, Италия, Польша жана Нидерландынын өкүлдөрү келиши күтүлүүдө.
Шайлоого мындан тышкары, Россия Борбордук шайлоо комиссиясы, ЕККУ жана башка уюмдардын өкүлдөгү байкоо салат.
Европа кеңешинин парламенттик ассамблеясы — кеңешке мүчө мамлекеттердин өкүлдөрү кирген консультативдик орган.
Европарламент — Европа биримдигинин мыйзам чыгаруучу органы. Анын мүчөлөрү Европа мамлекеттери тарабынан шайланат.
