БИШКЕК, 18-сен. — Sputnik. Президент Алмазбек Атамбаев Ош облусуна жасаган иш сапарынын алкагында Ош шаарындагы курулуп резервуардын курулушу менен таанышты. Бул туурасында президенттин маалымат кызматынан билдиришти.
Мамлекет башчысына көлөмү алты миң кубометрлик суу резервуары келерки айда, октябрда пайдаланууга берилээрин маалымдашты.
Атамбаев бардык курулуш иштерин өз мөөнөтүндө жана сапаттуу аяктоого милдеттендирип, шаардыктарды таза суу менен камсыз кылууда бул системаны пайдаланууга берилишинин маанисин баса белгиледи.
Бул иш-чара менен президент Атамбаевдин Ош, Баткен боюнча жумушчу иш сапары аяктады.
