БИШКЕК, 12-сен. — Sputnik. Режиссер Садык Шер-Нияздын "Курманжан датка" тасмасы Казань шаарында өткөн мусулман киносунун XI Эл аралык фестивалында баш байгеге татыганын Кинематография департаменти билдирет.
Фестивалдын салтанаттуу жабылышы Галиаскар Камал атындагы татар театрында болуп, катышуучулардын кызыл килемден өтүү аземи менен коштолду.
Баш байгени калыстар тобунун төрагасы, режиссер жана актер Владимир Меньшов тапшырды.
"Курманжан датка" тарбиялык мааниси зор тасма болуптур. Кыргызстан өтө бай өлкө болбогону менен, көптүн колунан келбеген фильм тартылган. Тасманы көргөндөн кийин Кыргызстанга кызыгуум пайда болду", — деди Меньшов.
Эскерте кетсек, "Курманжан датка" тарыхый тасмасы Анапа шаарында 13-20-сентябрга чейин өтө турган "Киношок" кинофестивалында популярдуу тасма, катары "Аянттагы кино" бөлүгүндө көрсөтүлөт.
