БИШКЕК, 2-сен. — Sputnik. КМШ өлкөлөрүнүн укук коргоо органдары террористтик кылмышка тиешеси бар жарандарды мамлекеттер аралык издөө боюнча ыкмалар жаңыртып жакшырта турганын ИИМ Мелис Турганбаев Минскиде өтүп жаткан министрлер кеңешинде билдирди деп жазат Sputnik Белоруссия сайты.
"КМШнын уюшкан кылмыштуулукка каршы бюросу шериктештииктин антитеррордук борбор менен кызматташууну күчөтөт", — деди Турганбаев.
Анын айтымында, КМШ алкагында ок атуучу куралдарды жана ок-дары сатуу менен алектенген жарандарды жана кылмыштуу топторду аныктоо боюнча бирге иш жүрүп жатат.
Кеңеш жыйынында КМШ мамлекеттеринин экономикалык интеграциясынын негизинде кылмыштуулук улуттар аралык деңгээлге чыгып жатканын белгиленди. Катышуучулардын айтымында, ал мыйзамсыз миграция, адам сатуу, баңгизат бизнеси, коррупция, кылмыш жолу менен табылган кирешени адалдаштыруу, терроризм жана экстремизм багытындагы кылмыштарда өзгөчө байкалып жатат.
Кеңештин жыйынына Украинадан башка КМШ өлкөлөрүнүн ИИМ башчылары катышууда.
