Чемпион Федор Емельяненко Кыргызстанга келет

© Sputnik / Вадим Жернов / Медиабанкка өтүүММА (аралашкан аскер искусствосу) боюнча дүйнө чемпиону Федор Емельяненко. Архив
ММА (аралашкан аскер искусствосу) боюнча дүйнө чемпиону Федор Емельяненко. Архив - Sputnik Кыргызстан
Жазылуу
Бир нече дүйнөлүк чемпионаттардын жеңүүчүсү Федор Емельяненко профессионалдык панкратион боюнча Евразиялык шериктештик кубогунун эл аралык турнирине конок катары чакырылды.

БИШКЕК, 25-авг. — Sputnik. Бишкекке ММА (аралаш аскер искусствосу) боюнча дүйнө чемпиону Федор Емельяненко келе турганын Панкратион федерациясынын вице-президенти Эдил Касенов Sputnik агенттигине билдирди.

Кыргызстандын ЕАЭБге кошулуусунун урматына Бишкекте панкратион боюнча турнир өтөт
Анын айтымында, бир нече дүйнөлүк чемпионаттардын жеңүүчүсү Федор Емельяненко профессионалдык панкратион боюнча Евразиялык шериктештик кубогунун эл аралык турнирине конок катары чакырылды. Турнир Кыргызстандын Евразиялык экономикалык биримдигине кошулушуна арналып, Дөлөн Өмүрзаков атындагы стадиондо 29-августта өтөт. 

Касеновдун айтымында, турнирге даярдык көрүү толук түрдө жүрүүдө. Бул мелдешти салттуу эмес күрөштүн түрү боюнча федерациясы ИИМ менен биргеликте Улуттук олимпиада комитетинин колдоосу аркылуу уюштуруп жатат. 

Турнирге Россиянын, Казакстандын, Армениянын, Белоруссиянын жана Кыргызстандын спортчулары катышат. Жалпысынан 14 беттеш өтсө, алардын экөө супер мушташ болот.

Мелдешти 7-8 миң киши көрөт деп пландалууда, андан сырткары, балдар үйлөрүнөн миңге жакын өспүрүмдөр келет.

Дене тарбия жана спорт агенттигинин өкүлдөрүнүн айтымында, турнирди демөөрчүлөр менен Улуттук олимпиада комитети каржылайт. Даярдык иштерин көрүүгө 60-70 миң доллар жумшалат.

Чемпиондук үчүн болгон беттеш. Бокс боюнча эл аралык турнирдин финалдык оюну
Билеттердин баасы 200 сомдон кем болбойт. Байгелүү оюндарга илинген спортчуларга 1000 доллардан алышса, жеңилгендердин деми түшүп калбашы үчүн 500 доллардан берилет.

Федор Емельяненко ММА боюнча 40 мушташ өткөрүп, анын 35ин жеңип алган (12 нокаут). Ал эң көп жеңишке жетишип, түрдүү наамдарды алган россиялык болуп саналат. 2012-жылы ал бразилиялык Педро Хиззону жеңгенден кийин рингден кеткенин билдирген. Бирок 2015-жылы июлда спортко кайтып келген.

Жаңылыктар түрмөгү
0