БИШКЕК, 19-авг — Sputnik. Кыргызстандык гимнаст кыздар Германияда өтө турган көркөм гимнастика боюнча дүйнө чемпионатына катыша турганын Мамлекеттик дене тарбия жана спорт комитети билдирди.
Чемпионат Штутгарттын Porsche Arena комплексинде 3-12-сентябрь күндөрү өтөт. Мелдешке Кыргызстандын атынан 19 жаштагы спорттун чебери Регина Мякишева жана 16 жаштагы спорт чеберине талапкер Азема Ажибекова катышат.
