БИШКЕК, 17-авг — Sputnik. Жогорку Нарын ГЭС каскадынын курулушу боюнча жалпы жер аймагынын 365 гектары үлүшкɵ берилген жерлердин катарына киргендиктен, учурда бул маселе чечүүнү талап кылат.
Сариев Нарын облусуна жасаган иш сапары учурунда Айыл чарба министрлиги, өкмɵттүн Нарын облусундагы ɵкүлчүлүгү, Нарын районунун акими жана Мамлекеттик каттоо кызматы менен биргеликте үстүбүздɵгү жылдын 15-сентябрына дейре аталган жер маселесин чечүү тапшырмасын берди.
"ГЭСтин курулушу мамлекеттин кубаттуулугун камсыз кылып, энергетикалык коопсуздук маселесин чечет. Жарандар өкмɵт жүргүзүп жаткан саясатка колдоо кɵрсɵтүшү керек. Өз кезегинде мамлекет жарандардын кызыкчылыгын эске алуу менен бардык шарттарды түзүүгɵ аракет кылат", — деди Сариев.
ГЭС курулушуна каралган жер тилкелери боюнча маселе жаралган. Алгач, жалпысынан 1137 га каралса, анын 365 га жери үлүшкɵ берилген жерлердин катарына кирет, учурда ал тилкелер боюнча маселе кароодо турат.
Жогорку Нарын каскадына гидроэлектрстанцияларды куруу Кыргызстан менен Россия өкмөттөрүнүн ортосунда 2012-жылдын 20-сентябрында кол коюлган макулдашууга ылайык салынууда. Бул маселе жогорку деңгээлде да бир нече ирет талкууланган. ГЭСтин курулушуна орус тарап 24 миллиард рубль которушу керек.
