БИШКЕК, 16-авг. — Sputnik. "Аль-Каида" террористтик тобунун экстремисттери Усама бен Ладендин уулунун үнү деп болжолгон аудио жазууну интернетке чыгарышкан. Кайрылууда Батыш өлкөлөрүнүн бир катар шараларына кол салуу чакырыгы айтылат деп билдирет Британиянын Telegraph гезити.
Басылманын маалыматына ылайык, "Аль-Каиданын" согушкерлери Twitter микроблогунда божомолдоолор боюнча "Аль-Каиданын" мурдагы лидери Усама бен Ладендин уулу Хамза бен Ладендин кайрылуусун жарыялашкан. Мурда Хамза бен Ладен топтун атынан кайрылууларды жасаган эмес. Азыркы учурда анын кайсы жерде экени белгисиз.
Май айында АКШнын чалгындоо кызматы Усама бен Ладен уулу Хамзаны өз ордуна даярдап жүргөн деп билдирген.
Усама бен Ладен Американын атайын даярдыктагы күчтөрү тарабынан 2011-жылы Абботтабадагы (Пакистан) жок кылынган. Андан мурун Бен Ладен АКШда 2001-жылы 11-сентябрда болгон террористтик кол салуу менен катар дагы башка бир топ теракттар үчүн жоопкерчиликти өзүнө алган. 11-сентябрдагы окуяда үч миң адам курман болгон.
