БИШКЕК, 8-авг. — Sputnik. Пакистан талибдердин үстүнөн көзөмөл кылбайт, болгону "Талибан" менен Афган бийлигинин тынчтык үчүн сүйлөшүүлөрүнө көмөк көрсөтөт. Бул туурасында өлкөнүн коргоо министри Кожо Асиф парламентте сүйлөп жатып айтты.
"Биз "Талибанды" көзөмөлдөбөй турганыбызды мойнубузга алабыз, болгону ортомчулук милдетин аткарабыз. Биз "Талибан" лидерлеринин ортосундагы атаандаштыкка киришпейбиз", — деген министр.
Асиф мындан сырткары талиптердин лидери молдо Омар Пакистанда өлгөн деген малыматты четке какты.
"Мен молдо Омар Пакистандын аймагында өлүп жана ушул аймакта жерге берилбегендигин бекемдей алам. Муну балдарынын айткандары тастыктайт. Ал мындан эки жыл мурда каза болду деген маалымат да карама-каршылыктуу болуп жатат. Биз бул иштерге аралашкыбыз келбейт", — деди Кожо Асиф.
Мунун артынан эле Афганистанда тынчтык орнотуу максатында "Талибан" менен афган бийлигинин сүйлөшүүлөрүнүн экинчи айлампасы токтотулган. Аймакта тынчтыкты орнотуу максатындагы биринчи сүйлөшүүлөр 2015-жылдын 7-июлунда Пакистандын борбору Исламабадга жакын жерде болгон. Жолугушууга АКШ жана Кытай байкоочулары да катышкан.
