БИШКЕК, 4-авг. — Sputnik. Кытайлык инвесторлор Ош жергесинде фарфор идиш-аягын чыгаруучу ишкана курууга кызыкдар экенин Sputnik агенттигине шаардын биринчи вице-мэри Замирбек Аскаров билдирди.
Түштүк борбордун мэриясы өнөр жай ишканаларын ачуу максатында инвесторлор менен сүйлөшүүлөрдү жүргүзүп жатканы маалым болду.
"Учурда кытай инвесторлору менен сүйлөшүүлөр жүрүп жатат", — деди чиновник.
Анын айтымында, Кыргызстанда мындай идишке суроо-талап бар болгондуктан, кытайлыктар кызыгуу артып жатышат.
"Ош облусунун аймагында фарфор идиши үчүн жакшы сапаттагы чопо бар экени маалым болду", — деди Аскаров.
Потенциалдуу инвесторлор үчүн эң маанилүүсү — туруктуулуктун сакталышы. Вице-мэр ушул учурда алар ишкана ачууга даяр экенин белгиледи.
