БИШКЕК, 3-авг — Sputnik. Парламенттик шайлоого катыша турган партиялардын саны ага катышуу үчүн арыз бергендерден кыйла аз болушу мүмкүн экенин уюмдардан Sputnik агенттигине саясат таанууучу Марат Казакпаев билдирди.
Борбордук шайлоо комиссиясынын билдирүүсү боюнча 2007-жылкы шайлоого 12 партия катышса, 2010-жылы алардын саны 29га жеткен. Быйылкы шайлоодо ат салышуу үчүн 34 партия даяр экени айтылууда.
"Шайлоодо болжол менен 10-15 партия ат салышат", — деди Казакпаев.
Анын айтымында, партиялар негизинен каржылык кыйынчылыктардан улам шайлоодон баш тартат. Шайлоо күрөөсүнөн тышкары, партиянын үгүт иштерине, штаб түзүү жана башка бир катар иш-чараларга чоң суммадагы каражат керектелет.
"Катышам дегендердин арасында 5-10дой партия пиар үчүн гана арыз берди. Бирок көпчүлүгү шайлоого катышат жана жаңы талаптарды эске алышты деп ойлойм", — деди саясат таануучу.
Парламенттик шайлоо 4-октябрга белгиленип, Борбордук шайлоо комиссиясы шайлоого катышам деген партиялардан 2-августка чейин арыз кабыл алды. Бардыгы болуп 34 партия шайлоого катыша турганын билдирди.
