БИШКЕК, 3-авг — Sputnik. Үстүбүздөгү жылдын 4-августунда КРдин Соода-өнөр жай палатасында алгачкы ирет кыргыз-түркмөн бизнес-форуму өтө турганын мекеменин маалымат кызматы билдирет.
Маалыматка ылайык, түркмөн делегациясынын курамында Мамлекеттик товар-чийки зат биржасынын, "Төркмөнэскпорт" мамлекеттик ишканасынын, фармацевтикалык, нефть иштетүүчү, энергетикалык, темир жол тармагындагы компаниялар, ошондой эле курулуш материалдарын, тамак-аш, кездеме, пластмасса жана кондитердик азыктарды өндүрүүчү ишканалардын өкүлдөрү катышат.
Кыргыз тараптан форумга 100дөн ашуун ишкана жана компаниялардын жетекчилери катышуу ниетин билдирди.
Кыргыз-түркмөн бизнес-форуму Түркмөнстандын президенти Гурбангулы Бердымухаммедовдун Кыргызстанга болчу расмий иш сапарынын алкагында өтмөкчү.
