БИШКЕК, 28-июль — Sputnik. Бишкек шаарынын Свердлов райондук сотунун судьясы арыз ээсине 1100 доллар көлөмүндөгү акчаны кайтарып жаткан учурда кармалды. Бул тууралуу Башкы прокуратуранын маалымат кызматы билдирди.
Аталган факты боюнча Башкы прокуратура Бишкек шаарынын Свердлов райондук сотунун судьясынын жардамчысына карата Кылмыш жаза кодексинин 313-беренеси (пара алууга ортомчулук кылуу) боюнча кылмыш ишин козгоду.
Башкы прокуратуранын кызматкерлери экономикалык кылмыштуулукка каршы күрөшүү кызматы менен биргеликте ыкчам иликтөө иштерин жүргүзүп, арыз ээсине 1 100 доллар өлчөмүндөгү акчаны кайтарып жатканда Свердлов райондук сотунун судьясынын жардамчысын кармашкан.
Учурда тергөө амалдары жүрүүдө.
