БИШКЕК, 28-июль — Sputnik. Ийне менен дарылай турган Кореядан келген жогорку квалификациялуу дарыгерлер өнөкөт ооруларын айыктыруу боюнча бекер медициналык кызмат көрсөтө турганын Саламаттык сактоо министрлигинин маалымат кызматы билдирди.
27-июлдан 30-июлга чейин биринчи жолу Пусан шаарынан келген 15 ыктыярдуу дарыгерлердин тобу кыргызстандык бейтаптарды бекер дарылайт.
"Ийне саюу жана чыгыш медицинасынын башка ыкмалары менен дарыгерлер артрит, муун, баш оорулары, уйкусуздук жана башка дарттарга даба табат", — деп айтылат билдирүүдө.
Түштүк кореялык ыктыярчылар эми жыл сайын келип турууну пландоодо. Буга чейин дарыгерлер Камбоджа, Россия, Вьетнам, Өзбекстан сыяктуу бир катар мамлекеттерде болушкан.
