БИШКЕК, 27-июль — Sputnik. Ош шаарында Кыргызстан менен Кытай мамлекеттеринин чек ара кызматкерлеринин жолугушуусу болуп өткөнүн мекеменин маалымат кызматы кабарлады.
Жолугушуу учурунда чек арачылар 2015-жылдын биринчи жарым жылдыгындагы кызматташуунун жыйынтыгын талкуулап, чек ара райондорундагы жана өткөрүү пункттарындагы абал тууралуу маалымат менен бөлүштү.
Натыйжада чек арада курч кырдаалды жөнгө салуу, өткөрүү пункттарындагы мыйзамсыз миграциянын алдын алууга багытталган иш-чаралар аныкталды. Мындан тышкары, кытай тараптын демилгеси менен 19-августта Кытайдын "Эркечтам" жана КР "Эркечтам-автодорожный" пункттарынын чек арачылары үчүн машыгуу өткөрүү каралды.
У Дуншендин айтымында, кыргыз-кытай чек арачыларынын ортосунда бийик деңгээлдеги кызматташуу жүрүп жатат.
Жээнбаев жолугушуу учурунда эки мамлекеттин чек арачылары ортосундагы өз ара мамилелерди бекемдөөгө багытталган конкреттүү иш-чаралар пландаштырылганын айтты.
Жыйындын соңунда протоколго кол коюлду.
