БИШКЕК, 27-июль — Sputnik. Үстүбүздөгү жылдын 10-июлунан кийин Россиядан чыгып, бирок кайра кире албай жүргөн мигранттар Кыргызстандын РФтеги элчилигине же Бишкектеги Миграция министрлигине кайрылышы керек. Бул туурасында Кыргызстандын Россиядагы элчилигинин өкүлү Айымкан Кулукеева билдирди.
Элчилик макулдашуу Россияга кирүүгө беш же он жылга чейин тыюу салынган жана Россиянын укук коргоо органдары тарабынан өлкө аймагына кирүүгө тыюу салынган жарандарга тиешелүү эместигин эскертти.
Жаңы келишим 2015-жылдын 10-июлунан кийин Россиядан чыгып, бирок кайра кире албай калган, ошондой эле миграциялык мыйзамдарды жеңил бузган жарандарга гана тиешелүү.
