БИШКЕК, 25-июль — Sputnik. Global Peace Index изилдөөсүндө коопсуз жашоо боюнча Кыргызстан 121-орунду ээлеген.
Global Peace Index 2007-жылдан бери рейтинг түзүп келет. Ал мамлекеттеги зордук-зомбулук жана кылмыштуулук деңгээли жана коңшу мамлекеттер менен болгон мамиле, ошондой эле аскердик чыгым сыяктуу 23 фактордун негизинде түзүлөт.
Рейтингде Кыргызстан 162 орундун ичинен Гвинея-Бисау менен Мавританиянын ортосунда 121-орунду ээлеген. Былтыр мамлекет 130-орунда болсо, 2013-жылы 133-орунда турган.
Өтө кооптуу өлкөлөр катары Сирия, Ирак жана Афганистан таанылган.
Жашоо үчүн коопсуз мамлекеттердин эң алдында Испания турат. Андан кийин Дания, үчүнчү орунда Австрия жайгашкан.
АКШ аталган рейтингдин 94-ордун ээлейт.
