БИШКЕК, 15-июль — Sputnik. Сириялык террордук "Ахрар аш-Шам" тобунун лидери Сириянын түндүк-батышындагы кош жардыруудан улам өлдү деп билдирди Адам укугун сактоо боюнча мониторинг борборуна таянган Франс Пресс.
Укук коргоочулар өлгөндөрдүн арасында "Ахрар аш-Шам" террордук тобунун лидери Абу Абдель Рахман Салькин (Abu Abdel Rahman Salqin) да болгондугун билдиришти.
Учурда аймактагы террордук уюмдардын бири да жардыруу боюнча жоопкерчиликти өздөрүнө алган жок. Анткен менен, укук коргоочулар бул "Ислам мамлекети" радикалдык тобунун согушкерлеринин колунан келди деген божомолун айтышууда.
"Ахрар аш-Шам" Сирияда президент Башар Асаддын өкмөтүнүн аскерлери менен согушуп жаткан салафиттик бригадалардын кошууну, маалыматтарда, мүчөлөрүнүн саны 10 миңден 20 миңге чукулдап барат. Алар 2011-жылы май айында Сириянын түрмөлөрүнөн мунапыска ээ болуп чыккандардан куралган.
