БИШКЕК, 1-июль — Sputnik. Кошуунчулар сириялык улуттук коргонуу аскери менен биргеликте өлкөнүн түндүк-чыгышында жайгашкан Дейр-аз-Зор провинциясында "Ислам мамлекетинин" ("ИМ") 44 согушкерин жок кылды. Бул туурасында РИА Новости агенттигине ошол жердеги аскерий булактары билдирген.
"Улуттук коргонуунун жоокерлери Аль-Курия аймагында атайын операцияда "Ислам мамлекетинин" согушкерин жок кылды. Өлгөндөрдүн бардыгы чет элдик жалданма адамдар болуп чыкты. Тазалоону шуайтат уруусунун кошуунчулары жүргүздү," — деп айтып берген ал агенттикке.
Өткөн жылдын август айында "ИМ" согушкерлери бир ай ичинде эле шуайтат уруусунан 700 адамды өлтүргөн. Жазалангандар "ИМдин" бийлигин таануудан баш тарткан, алардын жүзгө жакыны элдик кошуундун мүчөлөрү, калгандары Дейр-эз-Зор провинциясынын жай жашоочулары болгон.
Ал арада өлкөнүн түштүгүндөгү Эс-Сувейд провинциясында сириялык аскерлер "Жебхат ан-Нусра" террористтик уюмунун курал-жарак алып кетип бара жаткан колоннасын талкалаган. Согушта беш террорист өлүп, экөө туткунга алынып, алардан баш-аягы болуп 1,5 снаряд табылган.
Эксперттердин берген маалыматтарына таянсак, "ИМ" аймагы 90 миң чарчы чакырымга жетип, ал жерлерге жан кечти террористтер өз мыйзамдарын, бийлигин орнотуп "халифат" түзүлгөндүгүн жар салган. Булардын саны учурда 50 дөн 200 миңге чукул экендиги айтылууда.
"ИМ" менен күрөшкөн бирдиктүү майдан жок, топтошкон радикалдар менен Сирия менен Ирактын өкмөттүк аскерлери, мындан сырткары күрддөр менен ливандык, ирактык шиит кошуундары күрөшүп келет. "ИМ" миңдеген тынч жашоочулардын канына забын болуп, миллиондогондорду качкынга айлантты.
Кыргызстанда да "Ислам мамлекети" менен "Жебхат ан-Нусра" диний уюмдарынын Кыргызстандагы ишмердүүлүгүнө тыюу салынган. Учурда аталган "ИМ" катарында, расмий маалымат боюнча, 400дөн ашуу кыргызстандыктар жүрөт.
