БИШКЕК, 9-июль — Sputnik. Аксы районунун сегиз тургуну күйдүргү дартына шектелип, аймактык оорукананын жугуштуу оорулар бөлүмүнө жаткырылганын Өзгөчө кырдаалдар министрлигинин маалымат кызматы билдирди.
Маалыматка ылайык, ылаңдаган жылкы жана уй 18-июнда жана 30-июнда союлган.
Сегиз адам Ак-Суу айыл аймагындагы Жаңы-Талап, Коргон-Төбө жана Ак-Төбө айылынын тургундары.
Райондук ветеринардык жана фитосанитардык коопсуздук боюнча башкармалыгынын инспекторлору тарабынан жеринде эпизотикалык изилдөөлөр жүргүзүлүп жатат жана айылдардын тургундары арасында күйдүргү оорусу боюнча түшүндүрүү иштери жүргүзүлүүдө.
Шектелгендердин улуусу 62, эң кичүүсү 12 жашта.
