БИШКЕК, 24-июнь — Sputnik. Жалал-Абад облусунун Сузак районундагы Чаңгыр-Таш айылынын 40 жашар тургуну күйдүргү оорусуна шектелип ооруканага жаткырылганын Өзгөчө кырдаалдар министрлигинин маалымат кызматы билдирди.
Айыл тургунунун анализи лабораториялык изилдөө үчүн Жалал-Абад шаарындагы санитардык эпидемиологиялык көзөмөлдөө борборуна жөнөтүлгөн.
Райондук ооруканадан билдиришкендей, аталган жаран чындап эле күйдүргү оорусуна чалдыккан-чалдыкпаганы аныктала элек. Бул дартты ал киши мал союп жатып жуктуруп алышы мүмкүн экендигин кошумчалашты.
