БИШКЕК, 9-июль — Sputnik. Үстүбүздөгү жылдын биринчи жарым жылдыгында ички дүң өндүрүмдү көлөмү алдын ала баалоо боюнча 172 миллиард сомду түзүп, өткөн жылдын ушул убактысына салыштырмалуу 7,3 пайызга жогорулаганын Улуттук статистика комитет төрагасынын орун басары Жанболот Байжуманов пресс-конференция учурунда билдирди.
Баалардын статистикасы тууралуу билдирүүдө керектөөчүлүк секторунда инфляциянын деңгээли 0,2 пайызга жеткени, өткөн жылы бул көрсөткүч 5,9 пайызды түзгөнү маалымдалды. Мекеме жыл башынан бери инфляциянын басаңдоосун жашылча-жемишке (28,8 пайыз), сүт азыктарына, жумуртка, сыр (11 пайыз), этке (4,0 пайыз) болгон баанын төмөндөшү менен шартталганын түшүндүрдү.
Ал эми буюмдардын жана тейлөө кызматынын баасы өткөн жылга салыштырмалуу төрт пайызга өскөн.
