БИШКЕК, 14-май — Sputnik. Кыргызстанда инфляция эки пайызга, Ички дүң продукциясынын деңгээли 7 пайызга өскөнүн өкмөттүн жыйынында премьер-министр Темир Сариев билдирди.
Анын айтымында, бул көрсөткүч Евразиялык экономикалык биримдике мүчө башка мамлекеттерге караганда жакшы. Мисалы, Россия менен Казакстанда ИДПнын деңгээли жыл башынан бери 2,2 пайызга, Белоруссияда 2 пайызга чейин түшкөн. Инфляциянын деңгээли бардык мамлекеттерде болжонгондон жогору.
"Ушундай өсүштү Кыргызстанда мындан ары да кармап туруу керек. Экономика министрлиги инфляциянын деңгээли сегиз пайыздан ашпашы үчүн бардык аракетин көрүшү зарыл", — деди министр.
Премьер эң чоң жетишкендик катары Кыргызстанга алынып келип жаткан 166 товарга беш жылдык мөөнөткө чейин жеңилдик берилишине жетишүү болгонун белгиледи.
ЕАЭБ өлкөлөрүнүн экономикалык көрсөткүчтөрүн Sputnik сайтынан көрсөңүздөр болот>>>
