БИШКЕК, 8-июль — Sputnik. Кореяда MERS вирусунун курман болгондордун саны 35ке жетти. Бул туурасында Рёнхап агенттиги жазган. Буга чейин бийлик 34-адам курман болгонун билдирген эле. Бул акыркы сегиз күн ичинде медиктер тарабынан катталган акыркы окуя.
Коронавирустан каза болгондор Жакынкы Чыгышта 40 пайызды, Түштүк Кореяда 18,8 пайызды түздү.
Вирус сасык тумоо сыяктуу аба аркылуу жугат. Дартка кабылгандардын дене табы ысып, жөтөлүп, күйүгөт, бирок бул белгилер ушу вирустуку экени так аныктала элек. Учурда коронавируска каршы вакцина жок.
Кыргызстанда аталган вирустун инфекциясын аныктоо үчүн бир катар чаралар көрүлүп жатканын Саламаттык сактоо миинстрлиги кабарлаган. Алардын айтымында, чек арадагы санитардык-көзөмөл пункттарынан Жакынкы Чыгыш мамлекеттеринен жана Түштүк Кореядан келген адамдарга карата көзөмөл күчөтүлгөн.
