БИШКЕК, 7-июль — Sputnik. Башкы прокуратурада сот процессине чейин адам укугун көзөмөлдөө бөлүмү ачыла турганын мекеменин маалымат кызматы билдирет.
Жаңы ачылу бөлүмдүн иши адам укугун жана эркиндигин сактоого көзөмөл жүргүзүү жана кыйноого, адамдык ар-намыска шек келтирүүгө каршы күрөшүүнүн натыйжалуулугун арттырууга багытталат.
Аталган бөлүм акыйкатчы институту, кыйноонун алдын алуу улуттук борбору жана бир катар эл аралык уюмдар менен иш алып барат.
Учурда Башкы прокуратура бөлүмдүн башка институттар менен кызматташуусунун жол-жоболорун иштеп чыгуу үчүн чет элдик тажрыйбаларды өздөштүрүүдө.
