БИШКЕК, 7-июль — Sputnik. Кадамжай районунун Үч-Коргон айыл аймагындагы Валакыш айылынын жанында Исфайрам дарыясына Нива үлгүсүндөгү автоунаасы түшүп кетип, натыйжада эки адам жабыркап, төрт адам сууга агып каза болгонун ӨКМ маалымат кызматы билдирет.
Маалыматка ылайык, кырсык 6-июль күнү саат 19.35те болгон. Окуя катталган жерге Кызыл-Кыя шаарындагы өзүнчө мобилдик тоо-кен кырсыктарынан куткаруу взводунан беш куткаруучу тартылып, сууга агып кеткендерди издөө иштерин жүргүзүшкөн.
Жабыркаган эки адамга биринчи медициналык жардам көрсөтүп, Кызыл-Кыя шаардык ооруканага жөнөтүшкөн. Андан кийин куткаруучулар эки адамдын жансыз денесин таап, Кызыл-Кыя шаардык өлүкканага жеткиришкен.
Учурда калган эки адамды издөө иштери жүрүп жатат.
