БИШКЕК, 1-июль — Sputnik. Баңгизаттарды көзөмөлдөө боюнча мамлекеттик агенттиктин жетекчиси Алымбай Султанов жана анын үч орун басары кызматтан кетти. Анын ордуна ИИМдин 10-башкармалыгынын башчысы Рафик Мамбеталиев дайындалды.
Көздөй булактардын айтымында, Султанов кызматынан кетүү боюнча арызын жазган.
"Өзүнүн берген арызынын негизинде кетти. Буга чейин ишмердүүлүгүн текшерүү боюнча мекемелер аралык комиссия түзүлүп, анын ишинин жыйынтыгы да негиз болду", — деп билдиришти өкмөт үйүнөн.
Буга чейин аталган агенттиктин жетекчиси өз орун басарлары менен тил табыша албай жаткандыгы жалпыга маалымдоо каражаттары тарабынан да коомчулукка жарыя болгон.
