БИШКЕК, 30-июнь — Sputnik. Парламенттин кезектеги сессиясы аяктап, депутаттар эс алууга кетти. Иш-чаранын аягында Кыргызстандын гимни ойнолду.
Парламент акыркы жумада бир нече күн кезексиз жыйын менен бир нече мыйзам долбоорлорун жактырып, документтерди ратификациялады.
Эл өкүлдөрү кийинки ишин сентябрда улантат. ЖКнын V чакырылышынын курамы өзүнүн мөөнөтүн күздө аяктайт, себеби октябрдын аягы, ноябрдын башында Кыргызстанда парламенттик шайлоо өтмөкчү.
V чакырылыштагы Жогорку Кеңеш 2010-жылдын 10-ноябрында алгачкы жыйын өткөрүп, конституциялык ыйгарым укуктарын аткарууга киришкен. Ал беш фракциянын 120 депутатынан турат.
