БИШКЕК, 30-июнь — Sputnik. Россияга карата АКШнын чечкиндүү кадамдары жана НАТО күчтөрүнүн чыгышка карай бет алышы европалыктарды өз аскерин түзүү тууралуу ойлонууга мажбур кылды дейт коопсуздук боюнча эксперт Токтогул Какчекеев Sputnik агенттигине берген маегинде.
Анын айтымында, 1991-жылы Варшава келишими бузулгандан кийин Түндүк Атлантика альянсы автоматтык түрдө жоюлушу керек болчу, бирок андай болгон жок. НАТОнун чыгышты карай жигердүү кадам ташташы АКШнын Россияга карата элдешкис көз карашы менен биргеликте европалыктарды өз аскерин түзүү тууралуу ойлонтууга түрткү берди.
"Европа Американын колониясына айланып баратканын түшүндү. АКШ Россияга карата баштаган экономикалык согушу европалык ишкерлерге терс таасирин гана тийгизүүдө, бирок ага катышуудан баш тартууга эми кеч болуп калды", — дейт Какчекеев.
Мамлекетти өз аскери коргошу керек дегендердин көбү француздар (37 пайыз). Германиядан (47 пайыз) жана Улуу Британиядан (48 пайыз). Сурамжылоого катышкандардын теңи аталган мамлекеттерде НАТО күчтөрү болушу керек деп эсептейт. Ошол эле убакта өлкөнүн өз аскери болушу керек деген германиялыктардын саны 36 пайызды түзгөн.
Сурамжылоо 2015-жылдын 1-4-май күндөрү Sputnik агенттиги үчүн ICM Research компаниясы тарабынан Улуу Британия, Франция жана Германияда жүргүзүлгөн. Жалпы жонунан ага 4096 адам катышкан (Улуу Британияда 2005, Францияда 1041, Германияда 1050). Ар бир өлкө боюнча сурамжылоого тандалып алынгандар жынысы, жаш-курагы жана географиялык өзгөчөлүгү боюнча ар түрдүү топторго кирет. Ишенимдүүлүктүн 95% мүмкүндүгүн эсепке алганда ар бир өлкө боюнча маалыматка болгон ишеним +/- 3,1%ды түзөт.
