БИШКЕК, 30-июнь — Sputnik. Sputnik эл аралык агенттиги жана радиосу үчүн англиялык ICM Research изилдөө борбору тарабынан жүргүзүлгөн кезектеги сурамжылоосунун маалыматына ылайык, иш-чарага катышкандардын үчтөн бири НАТО күчтөрүнө ишенбей, Европа биримдиги өзүнүн аскерин түзүшү керек деп эсептейт.
"Европа биримдиги кызыкчылыгын коргоо үчүн өзүнүн жеке аскерине ээ болушу керекпи же Европа өлкөлөрүн НАТО аскерлери коргойбу?" деген суроого сурамжылангандардын 28 пайызы өз аскеринин түзүлүшү зарыл экенин билдирген.
Мамлекетти жеке аскери коргошу керек дегендердин көбү — француздар (37 пайыз). Германиядан (47 пайыз) жана Улуу Британиядан (48 пайыз) сурамжылоого катышкандардын теңи аталган мамлекеттерде НАТО күчтөрү болушу керек деп эсептейт. Ошол эле убакта өлкөнүн өз аскери болушу керек деген германиялыктардын саны 36 пайызды түзгөн.
Сурамжылоо 2015-жылдын 1-4-май күндөрү Sputnik агенттиги үчүн ICM Research компаниясы тарабынан Улуу Британия, Франция жана Германияда жүргүзүлгөн. Жалпы жонунан ага 4096 адам катышкан (Улуу Британияда 2005, Францияда 1041, Германияда 1050). Ар бир өлкө боюнча сурамжылоого тандалып алынгандар жынысы, жаш-курагы жана географиялык өзгөчөлүгү боюнча ар түрдүү топторго кирет. Ишенимдүүлүктүн 95% мүмкүндүгүн эсепке алганда ар бир өлкө боюнча маалыматка болгон ишеним +/- 3,1%ды түзөт.
"Sputnik.Пикирлер" долбоору тууралуу
Коомдук пикирди изилдөө боюнча эл аралык долбоор 2014-жылы башталган. Долбоордун өнөктөшү — Британиянын белгилүү ICM Research изилдөө компаниясы. "Sputnik.Пикирлер" долбоорунун алкагында Европа жана АКШ өлкөлөрүндө маанилүү социалдык жана саясий маселелер боюнча сурамжылоолор жүргүзүлөт.
Sputnik (sputniknews.com) — ондогон өлкөлөрдө мультимедиялык маалыматтык хабдарга ээ маалымат агенттиги жана радио. Sputnik өзүнө сайттарды, аналогдук жана санарип радиоберүү, социалдык тармактарда баракчаларды камтыйт.
