БИШКЕК, 26-июнь — Sputnik. Жогорку Кеңештин депутаты эл аралык террористтик жана экстремисттик уюмдардын, жалданма согушчан топторго катышкандарга он беш жылга чейин эркинен ажыраткан мыйзам долбоорун сунуштап жатат.
Демилгечилердин айтымында, аталган мыйзам долбоору учурда көйгөй болуп радикалдашууга каршы күрөшүүгө көмөкчү болот.
"Террористтик уюмдар тарабынан жалданган жана өлкө аймагынан сырткары жерлерде атайын согуш даярдыгынан өткөн адамдарга 8 жылдан 12 жылга чейинки мөөнөттө эркинен ажыратылат. Алдын ала макулдашып алган адамдардын тобу же уюшкан кылмыштуу топтор тарабынан жасалган кылмыштар үчүн 12 жылдан 15 жылга чейинки жаза каралат", — деди депутат Майрамбек Расулов.
12 Үчтүн айы 2015, 11:35
2014-жылдын аягында Ош аймагында Сирияда жүрүп жаткан согушка жардам беребиз деген түшүнүк менен колунда барларды тоноп-карактап жүргөн террористтик уюмдун мүчөлөрүнөн турган топ колго түшкөн. Кылмыштуу топ "Амалиат" деген түшүнүк менен колунда барларга кол салып, талап-тоноочулук иштерин кылып турган. Эл аралык террористтик уюмдун кармалган алты мүчөсүнүн төртөө Сириядагы террористтик уюмдардын лагеринен атайын даярдыктан өтүп келишкен.
