БИШКЕК, 22-июнь — Sputnik. "Чек арага китеп " акциясын Чек ара кызматы өткөрөт деп билдирди аталган ведомствонун маалымат кызматы.
Акция 22-июнда эскерүү күнү катары өтөт. Бул күнү 1941-жылы Улуу Ата мекендик согуш башталган.
Акция андан ары уланып, тарыхчы жана публицист Леонид Сумароков Чүй чек ара отрядынын жоокерлери менен жолугушуп, ал "Бир тагдыр – бир жол", "Алдыда болуу милдети" деп аталган китеби тууралуу айтып берет. Китепте автор чек арачылардын күнүмдүк түйшүктөрү, кыргызстандыктардын Улуу Ата Мекендик согуш учурундагы эрдиктери, мекенге кызматы кылуу сыймыгы жана жоопкерчилиги жөнүндө айтылат.
Ошондой эле автордун китептери КРдин Чек ара кызматынын чек ара заставаларынын кипетканаларына берилет.
"Чек арага китеп" акциясын өткөрүү демилгеси КМШ өлкөлөрүнүн түштүк чыгышында биргелешкен милдеттерди аткарган Кыргызстан менен Россиянын чек арачыларына жана чек ара кызматынын ардагерлерине таандык.
