БИШКЕК, 12-июнь — Sputnik. Күтүлүп жаткан катуу шамал Бишкекте болбогонун Өзгөчө кырдаалдар министрлигинин маалымат кызматы Sputnik сайтынын кабарчысына билдирди.
Буга чейин ӨКМ Бишкек жана Чүй облусунда ылдамдыгы секундуна 20 метрге чейин жете турган шамал жөнүндө эскерткен. Министрликтен билдиришкендей, шамалдын мындай ылдамдыгы өзгөчө кырдаалдарга кирет.
"Шамал Кара-Балта жана Чүй облусунун айылдарында болду. Бишкекте катуу шамал болгон жок. Бардыгы тынч", — дейт министрликтин маалымат кызматы.
Жума башында, дүйшөмбү күнү Бишкек шаарында жана Чүй облусунда кечки саат сегиздер чамасында катуу шамал болуп, үйлөрдүн чатырларын учуруп, бактар сынып автомашиналарды басып калган болчу. ӨКМдин маалыматы боюнча, шамалдын ылдамдыгы секундуна 25-27 метрге жеткен. Шамалдын кесепетинен сегиз машина жабыркап, 80ен ашык бак сынган.
