БИШКЕК, 5-июнь — Sputnik. Кыргызстандын футбол боюнча курама командасы FIFAнын май айындагы рейтинги боюнча 24 орунга төмөндөгөнүн КР футбол федерациясы билдирди.
Март-апрель айындагы рейтингде Кыргызстан 153-орунда турса, май айында 177-орунга түшкөн. Ал эми Азия футбол конфедерациясынын рейтингинде эки орунга төмөндөп 28-орунду ээлеген.
Айдын жыйынтыгы менен Мальдив аралдарынын командасы 34 орунга төмөндөп эң начар деп табылса, Мадагаскардын курамасы 37 орунга чейин жогорулап, мыкты оюнчулар экенин тастыкташты.
Эң күчтүү командалар:
• Германия
• Бельгия
• Аргентина
• Колумбия
• Бразилия
• Нидерланды
• Португалия
• Уругвай
• Франция
• Испания
