БИШКЕК, 5-июнь — Sputnik. Ничке-Сай айылдык кеңешинин башчысы жана жооптуу кызматкери балдарга арналган акча каражатын өздөрүнө ыйгарып алышканын Экономикалык кылмыштылуукка каршы мамлекеттик кызматы билдирет.
Маалыматка ылайык, аталган жарандар документтерди жасалмалоо аркылуу "Аялдарды жана балдарды коргоо" долбоору үчүн каралган каражаттан 66 миң сом өзүлөрүнө ыйгарып алышкан.
Бул боюнча Жалал-Абад облусунун Токтогул райондук прокуратурасы тарабынан Кылмыш жаза кодексинин 171-беренесинин (Ишенип берилген мүлктү өзүнө ыйгаруу же чыгымдоо) негизинде кылмыш иши козголду.
Аталган айылдык кеңештердин өкүлдөрү менен байланышууга мүмкүнчүлүк болгон жок.
