БИШКЕК, 1-июн – Sputnik. Түштүк Кореяда жашоого кооптуу жакынкы чыгыш респиратордук синдром коронавирус жуктуруп алган адамдардын саны 18ге жеткенин дүйшөмбү күнү Ренхап агенттигине таянуу менен РИА Новости кабарлайт.
Саламаттыкты сактоо министрлигинин маалыматы боюнча, ооруга жаңы кабылган үч адам алгачкы жолу вирус катталган ооруканада болушкан. Анын экөө ал жерде дарылануудан өтүп, ал эми үчүнчүсү ооруканага ооруп жаткан атасын көрүүгө келген.
Аталган инфекция алгачкы жолу 2012-жылы Сауд Аравиясында катталып, жок эле дегенде тогуз өлкөгө жайылып кеткен. Алар Сауд Аравиясы, Катар, Иордания, Франция, Германия, Улуу Британия, Бириккен Араб Эмирлиги, Тунис жана Италия.
Вирус сасык тумоо сыяктуу аба аркылуу жугат. Дартка кабылгандар дене табы ысып, жөтөлүп, күйүгөт, бирок бул белгилер вирустун белгилери экени так аныктала элек. Учурда коронавируска каршы вакцина жок.
