БИШКЕК, 31-май — Sputnik. Кыргызстанда баалуу металлдарды жана асыл таштарды сатуу ЕАЭБдин мыйзамдарына ылайык келтирилди. Алмазбек Атамбаев "Баалуу металлдар жана асыл таштар жөнүндө" мыйзамга өзгөртүүлөрдү жана толуктоолорду киргизүү тууралуу" мыйзамга кол койгонун президенттин маалымат кызматы билдирди.
Мыйзамдын максаты КР мыйзам-ченемдерин баалуу металлдар жана асыл таштарды жүгүртүү жаатындагы Евразиялык экономикалык биримдиктин келишимдик-укуктук негиздерине ылайык келтирүү.
Мыйзам 2014-жылдын 29-майындагы Евразиялык экономикалык бирлик жөнүндө Келишимге Кыргыз Республикасынын кошулуусу тууралуу келишим күчүнө кирген күндөн тартып күчүнө кирет. Ал Жогорку Кеңеш тарабынан 2015-жылдын 6-майында кабыл алынган.
