Арутюнян: КР эки айдан кийин ЕАЭБдин толук укуктуу мүчөсү болот

© Sputnik / Михаил Климентьев / Медиабанкка өтүүРоссия президенти Путиндин Астанага барган иш сапары. Архив
Россия президенти Путиндин Астанага барган иш сапары. Архив - Sputnik Кыргызстан
Жазылуу
КРдин президенти Алмазбек Атамбаев 21-майда республиканыны ЕАЭБге кошулуш боюнча эл аралык келишимдерди ратификациялоо жөнүндө мыйзам долбооруна кол койгон.

БИШКЕК, 28-май — Sputnik. КР эки айдан кийин Евразиялык экономикалык биримдиктин (ЕАЭБ) толук укуктуу мүчөсү боло турганын коллегиянын мүчөсү, Евразиялык экономикалык комиссиянын министри Роберт Арутюнян билдирди деп кабарлайт РИА Новости.

21-майда КРдин президенти Алмазбек Атамбаев республиканын ЕАЭБге кошулушу боюнча эл аралык келишимдерди ратификациялоо жөнүндө мыйзам долбооруна кол койгон.

Биримдиктин калган мамлекеттери келишимдерди азырынча ратификациялай элек.

"2014-жылы декабрда биз Кыргызстандын биримдикке кошулуусу жөнүндө келишимге кол койгонбуз, аны жакынкы эки айда биримдикке мүчө өлкөлөр ратификациялайт жана биз өз кесиптештерибизди аталган процесстин толук укуктуу мүчөлөрү катары кубануу менен тосуп алабыз деген үмүттөмүн", — деди Арутюнян Петербургда өткөн эл аралык юридикалык форумда.

Кыргызстандын Евразиялык экономикалык Биримдикке кириши боюнча документтерге кол коюлду
Кыргызстандын парламенти 21-май күнү зарыл документтердин топтомун ратификациялоо менен, биримдикке кошулууга байланышкан ички мамлекеттик процедуралардын аягына чыккан. 

Россия, Белоруссия жана Казакстан 2014-жылдын 29-майында Астана шаарында Евразиялык экономикалык биримдик жөнүндө келишимге кол коюшуп, ал 2015-жылдын 1-январында күчүнө кирген. Жыл башында ЕАЭБга Армения кошулган. Ал эми 8-майда Евразиялык экономикалык биримдиктин биринчи саммитинде Кыргызстандын ЕАЭБге кошулушу жөнүндө акыркы документтерге кол коюлган. Аларды азыр ратификациялоо зарыл.

АЭБ өлкөлөрүнүн экономикалык көрсөткүчтөрүн sputnik сайтынын инфографикасынан көрө аласыздар>>>

Жаңылыктар түрмөгү
0