Атамбаев: Кыргызстан өнүгүүнүн жаңы баскычына кадам шилтеди

© Пресс-служба президента КР / Султан ДосалиевАтамбаев: Кыргызстан өнүгүүнүн жаңы этабына кадам шилтеди
Атамбаев: Кыргызстан өнүгүүнүн жаңы этабына кадам шилтеди - Sputnik Кыргызстан
Жазылуу
Президент Кыргызстандын ЕАЭБге кирүүсү жөнүндөгү келишимди ратификациялоо боюнча мыйзамга кол коюу аземинде ЕАЭБге кошулуу өлкөнүн улуттук кызыкчылыгына жана өнүккөн мамлекет куруу жөнүндө максаттарына төп келерин белгиледи.

БИШКЕК, 21 май — Sputnik. Бүгүн президент Алмазбек Атамбаев Кыргызстандын Евразиялык экономикалык биримдикке кирүүсү жөнүндө келишимди ратификациялоо боюнча мыйзамга кол койду. 

Аталган мыйзам долбоор Жогорку Кеңеш тарабынан 20-майда кабыл алынган.

Өлкө башчы өз сөзүндө бүгүнкү күндүн мааниси абдан терең экенин белгиледи деп билдирет президенттин аппаратынын маалыматтык саясат бөлүмү.

Сариев: КРдин экономикалык көрсөткүчтөрү ЕАЭБге мүчө өлкөлөрдүкүнөн өйдө
Президент Кыргызстандын ЕАЭБ кошулуусу боюнча жасалган иш үчүн өкмөт мүчөлөрүнө, Жогорку Кеңешке, президенттин аппаратына ыраазычылык билдирүү менен, бул кадам Кыргызстандын товарлары жана кызматтары үчүн ЕАЭБ өлкөлөрүнүн 175 миллиондук рыногуна жол ачарын белгиледи. Бул улуттук товарларды экспорттоо ишине өбөлгө түзөт, сапатты арттырып, улуттук продуктулардын атаандашуу жөндөмдүүлүгүн жогорулатат. ЕАЭБ өлкөлөрүнөн да, башка чет мамлекеттерден дагы Кыргызстанга келчү инвестициялардын агымын өстүрөт.

Мындан тышкары, мамлекет башчы экономиканы жаңы шарттарга ылайыкташтыруу үчүн жалпы капиталы 1 миллиард АКШ доллары болгон Кыргыз-Россиялык өнүктүрүү фонду түзүлгөндүгүн, Жол картасын ишке ашыруу үчүн техникалык жардам иретинде Россия 200 млн доллар, Казакстан 100 млн доллар бөлүп бергенин белгилеп өттү. 

"Каражаттар чек арадагы бажы постторун союздун стандарттарына ылайык келтирүүгө жана ветеринардык, санитардык жана фитосанитардык коопсуздукту камсыз кылуу үчүн лабораторияларды жакшыртууга жумшалды. Бул товарларыбызды бардык өлкөлөргө чыгарууга жол ачат", — деди Атамбаев.

Өлкө башчысы интеграция Кыргызстанга чет өлкөлөрдө иштеген эмгек мигранттарынын маселесин чечүүгө да мүмкүнчүлүк берээрин белгиледи.

"Кыргызстан өнүгүүнүн жаңы этабына кадам шилтеди. Алдыда жаркыраган келечек турат, бирок жолубуз жеңил-желпи болбойт. Евразиялык экономикалык бирликке кошулуу Кыргызстандын улуттук кызыкчылыктарына төп келет. Эгемендүү, өнүккөн көз карандысыз мамлекет катары калыптануу боюнча алдыга койгон максаттарыбызга үндөшөт", — деди президент.

Мыйзамга кол коюу аземине ЖК төрагасы Асылбек Жээнбеков, премьер-министр Темир Сариев, Жогорку соттун төрайымы Феруза Жамашева, президенттин аппарат жетекчиси Данияр Нарымбаев жана башка бир катар расмий адамдар катышты.

Жаңылыктар түрмөгү
0