БИШКЕК, 28-май — Sputnik. Псков облусундагы автокырсыктан төрт кыргызстандык курман болду деп билдирди Россиянын Ички иштер министрлигинин облустук башкармалыгынан.
Санкт-Петербург – Невель автожолунда "DAF" үлгүсүндөгү жүк ташуучу автоунаа "Mazda MPV" автонуаасы таңкы 4:35тер чамасында кагышкан.
"Алдын ала маалыматтарга Караганда, минивендин айдоочусу башкалардан ашып өтүү аракетин туура эмес жасагандыктан, маңдайында келе жаткан жүк ташыган унаа менен кагылышкан",— деп айтылат билдирүүдө.
Жеңил унаанын эки жүргүнчүсү менен айдоочусу кырсык болгон жерде жан берип, үч жүргүнчүсү "Тез жардам" менен ооруканага жеткирилип бара жаткан жолдо бирөө каза тапкан.
Алынган маалыматтарга караганда, жеңил автоунаалардын ичиндегилердин баары Кыргызстандын жарандары болгон.
